السلام عليكم

 

 

 

زواري الكراام

اليووم انا موواصل حدي  من امس باليل

يعني بعد كم نص ساعه يبي يصير لي 24 ساعه قاعد

والساعه الحين 7:15 مساء

يعني مررره

فحبيت اني اتسلا في  السبيس قبل مانام واطلع مافي قلبي

الزبده

ابي اخذ ارائكم بحاجات كثيره

اول شي

وش رايكم بالي تسوويه اسرائيل بلبنان

تبوون الصرااحه انا مع اسرائيل بالحركه ذي
لان حزب الله ماحترمت اسرائيل  تدريون ليه لان حزب الله اسم حزب فقط  يدل على انه عدت جنود  فقط لاغير اما
اسرائيل دووله  عظمى  في القووة والعظمة لله جل وعلى

الحين هم لما يخطفون جنديين اسرائيلين مايدرون وش العواقب الي بتصير ولا فكرو بالشعب ولا الدنيا  فوضى اخطف وامش

على الاقل لازم يتعظون من  اخوانهم الي بفلسطين يقوولوون الحين هم حنا نصرنا اخوانانا بفلسطين  اان اقولهم لا بالعكس انتم ضيقتم الخناق عليهم بهذه العمليه

بس تبيون الصراحه اسرائيل تمادت بما فيه الكفايه

وانا اقوول لاسرائيل خلي عنك لعب العيال وخليك دووله عاقله لا نجيك ونقلب عاليك واطيك

<< تراه موواصل للمعلوووميه

طيب خلوونا من السياسه  ووجع الراس

والله لو نتكلم من هنا لبكره مماحد سمعني  عاد الي قبلي  تكلمو واشوفهم سمعو لهم ماعلينا

طيب
امممممممممممم

بايش ناخذ رايكم

اها لقيتها

وش رايكم بعلمااء الفيزياء

ياخي هذولي علماء الفيزياء اشهد انهم اشنااب ماخلو شي مافكرو فيه حتى الحركه الي نسويها لها مقدار

سبحان الله ياخي حكمه رب العالمين

واحد طلع النظريه النسبيه والثاني اخترع الكهرب مدري وشلون

ياخي نااس ماعندهم مخ  وطلعو علماء اجل وش بقوو للي عندهم مخووخ

يعني فكرتهم غريبه

يشووفوون شي  يقولون هذا الشي ليه تحرك وشووله في الزاويه ذي ليه مو في الزايوه هذيك  وليه لونه كذا وعلى اي
اساس  وبيكوز وواي وهاو دودود وليه الا وهو مطلع نظريه او قانون  او اكتشاف

وفيه بعضهم دمروو العالم باكتشافاتهم عندك نوبل مثلا مخترع الديناميت

اووه اول ماطلع الديناميت  كانوو يسوون الهوايل والحين الرجال مات ويبون الناس يذكرونه بالخير  وحط جايزة نووبل  في الاقسام العلميه  بس ابي اعرف نوبل للاداب وش دخله هو والسلام  ماله شغل بالعلم

صدق من قال

العلم اغرب من الخراافه

<< لاتنسوون اني مواصل

طيب خلوونا نرووح

لفووق الدرج  الي تحت الدرج ومعلق فيه اربع بناطيل ابو خطين على جنب

اممممممممممممممم

وش رايكم بالحب

هههههههههههههه

الكل الحين يفتح خشته اربع وعشرين قيراط

تبوون الصرااحه انا عندي الحب تعريفه واحد

وهو انك تستسلم لشخص وتعطيه كل مالديك من قووه  وسذاجه عقل بس علشان يرضى عليك

في الحقيقه انا مادري وش اقوول بالحب

مع اني مجربه  بس الي تحبني مادري هي مرتاحه معي ولا لا
لاني ماعمري قلت لها كلام حلوو

يعني اقوولها بس مو كثير << اخووكم دفش

بالعربي بدووي وماعنده اسلووب

بس الله حق

اني احبها وامووت فيها
بس كيف وشلون ولماذا وليه  وواي احبها  مادري صرااحه

بس تعلقت بهذا الشخص 

وبيني وبينكم  هي تقوولي كلام يخق يخق يخق له السامع

وانا وجهي فاتح خشتي ومبتسم بوجها << من زين سنونك 

بس وربي مادري وش اقولها

تبووني اكذب عليها  واقولها جعل  يومي قبل يومك لا ماقدر لان الاعمار بيد الله

ولا اقوولها  تفداك عيوني ياغلا عيني << توه مطلع الكلمه ذي

هههههههه

اتحدى واحد يتخلى عن بصره

اصلن حتى بالعمليات ماقد صاارت يعني عمرمكم شفتو واحد يعطي واحد عين ماتجي

الا اذا طلبتني عدساات ممكن  وهذا امري سهل عليها

بس خلوونا واقعيين  ياشبااب

الحب ترااه بالقلب مو كلام ينقال وبس

وحتى لو ماظهر باللسان

<< ترااه مووواصل

 

طيب مدام جبنا طاري الحب والكلام الحلوو وش رايكم بالشعر

يااخي الشعر ذا يبي يلحس مخي اكثر من الالات الدقيقه  والتحكم الرقمي << التخصص بالكليه ههههههه

ياخي هو الوحيد الي بالعالم الي مافهمته

عمركم شفتو جرح يتكلم ههههههههه

ولا صمت له عيوون ههههههههههه

ولا عيووون تضرب سيووف ههههههههه

ياخي مايدخل العقل

واكثرهم يقوولوون ان الشعر يجسد واقعنا  لا ياخي انت غلطان

وبعدين اشووف اكثر شعراء هذا العصر << برنامج على القناة الاولى كل جمعه الساعه 1:30 اخر اليل ههههههههه

طااحو بالبني غزل

مثل الي يقوول

يادكتور لاتتعب على الفحص والتشخيص

انا حالتي تشخصها نظرة عيونه

ههههههههههههههههه

اقووله تكفى عسا ماتكلفت يابو ههههههه

سلامات نظرة وحده من بنت  تغنيك عن دكتوور درس  15 سنه في الخارج

وين قااعدين يابو ههههههههههه

بس جد والله

 الشعر يلحس مخك

والي يحلس مخك  الخواطر

ياخي الخاطره ذي  ماهضمتها

ترووح جزر وانهاار وتفر العالم واخر شي تلقى حبيبك  زافك  ( مطنشك )

ياخي قههررر

افر العالم علشانها واخر شي  تتنطشني

وبعدين الحب لو انه كلام ينقال وشعر  نتغنى  فيه  كان كل العالم تعلمته  باربع سنين بالجامعات

بس الحب في القلب << لاحظو مرة ثانيه اكررها

اذا صفت نيه قلبك صفا حبك << ياخي بالله  ماطلع حكيم هههههه

خلوونا من الحب والشعر

تعالو  الي بعد الشعر وشو

اكيد الفنانين

وانا اقصد فنانين زماننا هذا  امثال  هيفاء ونانسي وتومي ومدري مين

ياخي فنانين طلعو جدد

فيه بعضهم طلعو  هيفاء وهبي ارجل منه

لاهو  البنت ولا هو الرجال مابينهم  مشكله
والمشكله الاكبر انه مسووي فيديو كليب  ومسووي

نفسه انه خلااص فنان على مستوى وراعي حفلات بالخارج لامايقدر يطلع للجمهور يخاف من نفسه

والصوووت  الله يخلف بس

واقوول للفنانين الجدد ذولي  ترا اصواتكم  تركيب استديو فقط لاغير
يعني لاتفرحوون كثير

الله يرحم  نجوى كرم وديانا حداد  وابو نورة << وش جاب لجاب هههههههههه

طيب خلونا من الفنانين

تعالو للبرامج الي تطلع فنانين

ههههههههههههه

امثال ستار اخاديمي

وسوبي ستار

ههههههههههههههههههههه

حتى اسمائهم مادري وش تبي

نجم  واكاديميه

ياخي وشلوون تجي  اول مره اشووف  ان للموسيقى معهد

وان للفن اهل

وان للغناء درووس

وولكلمات  محاضرات

وللحركات مسرح

هذي كلها  اسويها  ورا بيتنا باربع ثواني بحركه جهنميه

ياخي واللي يقهرهك اكثر

الجمهوووووور حقهم هههههههههههههه

ياخي انت شف الرسايل حقت الشات وامسك بطنك

انا احبك يامحمد الدووسري

ابو الهش والباقي خس << ارد عليهم واقول مايخسي الا انت

اول مره اشووف حب من خلف الشاشه  وهو مايعرفها
مصيبه

ولا تعال ياويلي

يااحظي بس

شفتو قنوات  الاغاني الجديده  الي توهم مطالعينها

ياخي شف الشان حقهم ههههههههههه

انا فلانه من  بلد كذا ممكن نتعرف

وجيك الثاني اهلا وسهلا اختي وانا من كذا

هذيك تقوله حياكالله  انا حبيتك

ويجيك يتميلح وانا اكثر

هاتي الرقم برايفت هههههههههههه

ترقيم عينك عينك

ومازلنا نسوولف في الحب

شفتو الحب وين وصلنا

المشكله ان الي يحبون مرااهقين << ازعط مانت مرااهق ههههههههه

بس انا اقصد الحب الي مثل كذا حبوو فنان واغرمو فيه ولا لاعب

امثال يااسر وسعد الحارثي هههههههههه

المشكله حاطين صورهم في كل مكان
مادري وش سر الحب الي فيهم

ولا عاااد البنات شف البنات يتابعن كووره من متى تابعن يابعد حيي

<< لحين مواصل

طيب مادام جبنا طاري الكووره
وياسر وسعد

اكيد بجيب طاري احد والانصار ههههههههههه

اقصد الهلال والنصر

ياخي مشكله الجممهو ر الهلالي انهم متفاخرين بكووسهم الخمسه  واربيعن واذا خسرو  قالو مانبي البطووله شبعانين

واذا فاازو يقولون الكبير كبير هههههههههههه

طيب يووم انهزمتو قدام الفريق الافغاني  وين رااحت بطولاتكم

يقولون 9 لعيبه مع المنتخب

طيب اذا كان هداف الفريق وصانع العابه  اجنبي

وش يبون يسوون لكم  اللعيبه الي مع المنتخب

وماشاء الله عندكم عبد الله الجمعان عن عشر لعيبه بفخذ واحد

اذا المنتخب برااسه ماسوى شي

ياخي يعطي النادي فررصه  يكمل مشواره  في البطولات

مو يقوولون نبي نسووي معسكر في لندن والنمسا ومحتاجين اللعيبه واخرتها فضيحه كبر وجيهنا

ماتسوى حتى  تذكره الطايره الي راحو فيها

ياخي لمتى وحنا نعلم في الاتحاد السعوودي  ونلمح لهم

فيه نااس في ادراة الاتحاد مالهم شغل في الكوورة

والي يفهم علي ترااه ذيب

<< للحين مواصل

كيف نخفي حبنا والشووق فاضح

طيب

ادري اني طوولت عليكم

بس وربي جاني النووم

ارووح اناام وارجع لكم واكمل هذرتي عليكم

اووكيه

يالله  اشوفكم علي خير

واعذرووين على القصوور

وترا الكلام ذا ك

ماقصد فيه  اي اسائه لا لفنان او لشاعر او دوله او حزب او  لاعب او نادي او رئيس  او نائب رئيس

<< بس كلامه قووي  صرااحه

هههههههههههه

يالله

مالكم بالطوويله

مع السلامه